പച്ചക്കറികളിലെ വിഷാംശം എങ്ങനെ നീക്കാം

കോളി ഫ്ലവര്‍ - അടിയിലെ ഇലയും തണ്ടും വേര്‍പെടുത്തിയ ശേഷം കോളി ഫ്ലാവറിന്റെ ഇതളുകള്‍ ഓരോന്നായി മുറിച്ചു അടര്‍ത്തിയെടുക്കുക. വിനാഗിരി ലായനിയിലോ(20 മില്ലി ഒരു ലിറ്റര്‍ വെള്ളത്തില്‍) ഉപ്പ് ലായനിയിലോ (20 ഗ്രാം ഒരു ലിറ്റര്‍ വെള്ളത്തില്‍) പത്ത് മിനിറ്റ് മുക്കി വെച്ച ശേഷം വെള്ളത്തില്‍ പല ആവര്‍ത്തി കഴുകുക. സുഷിരങ്ങള്‍ ഉള്ള പാത്രത്തില്‍ വച്ച് വെള്ളം വാര്‍ന്ന്‍ പോയ ശേഷം പ്ലാസ്റിക് കണ്ടെയ്നറില്‍ അടച്ച് ഫ്രിഡ്ജില്‍ സൂക്ഷിക്കുക.

കാബേജ് - കാബേജിന്റെ (വയലറ്റ്, വെള്ള) ഏറ്റവും പുറമെയുള്ള മൂന്നോ നാലോ ഇതളുകള്‍ അടര്‍ത്തിക്കളഞ്ഞ ശേഷം വെള്ളത്തില്‍ പല ആവര്‍ത്തി കഴുകുക. കോട്ടണ്‍ തുണി ഉപയോഗിച്ച് വെള്ളം തുടച്ചിട്ട് ഫ്രിഡ്ജില്‍ സൂക്ഷിക്കുക.

മല്ലിയില - മല്ലിത്തണ്ടിന്റെ ചുവടുഭാഗം വേരോടെ മുറിച്ചു കളഞ്ഞശേഷം റ്റിഷ്യൂ പേപ്പറിലോ ഇഴയകന്ന കോട്ടണ്‍ തുണിയിലോ പൊതിഞ്ഞ് പ്ലാസ്റ്റിക് കണ്ടെയ്നറില്‍ അടച്ച് ഫ്രിഡ്ജില്‍ സൂക്ഷിക്കുക. ഉപയോഗത്തിന് തൊട്ടു മുന്പ് വിനാഗിരി ലായനിയിലോ(20 മില്ലി ഒരു ലിറ്റര്‍ വെള്ളത്തില്‍) ഉപ്പ് ലായനിയിലോ (20 ഗ്രാം ഒരു ലിറ്റര്‍ വെള്ളത്തില്‍) പത്ത് മിനിറ്റ് മുക്കി വെച്ച ശേഷം വെള്ളത്തില്‍ പല ആവര്‍ത്തി കഴുകുക.

കാരറ്റ്, മുരിങ്ങ, റാഡിഷ്(വെള്ള) - പല ആവര്‍ത്തി വെള്ളാത്തില്‍ കഴുകിയ ശേഷം വെള്ളം വാര്‍ന്ന്‍ പോകാന്‍ സുഷിരങ്ങള്‍ ഉള്ള പാത്രത്തില്‍ ഒരു രാത്രി വച്ച ശേഷം കോട്ടണ്‍ തുണി ഉപയോഗിച്ച് വെള്ളം തുടച്ചിട്ട് ഇഴയകന്ന കോട്ടണ്‍ തുണിയില്‍ പൊതിഞ്ഞ് ഫ്രിഡ്ജില്‍ സൂക്ഷിക്കുക. ഉപയോഗത്തിന് തൊട്ടു മുന്പ് തൊലി ചുരണ്ടിക്കളഞ്ഞു, ഒരിക്കല്‍ കൂടി കഴുകിയിട്ട് പാചകം ചെയ്യുക.

കറിവേപ്പില, പുതിന ഇല - വിനാഗിരി ലായനിയിലോ(20 മില്ലി ഒരു ലിറ്റര്‍ വെള്ളത്തില്‍) വാളന്‍ പുളി ലായനിയിലോ (20 ഗ്രാം വാളന്‍ പുളി ഒരു ലിറ്റര്‍ വെള്ളത്തില് പിഴിഞ്ഞ് അരിച്ച ലായനി അല്ലെങ്കില്‍ പാക്കറ്റില്‍ കിട്ടുന്ന റ്റാമറിന്‍ഡ പേസ്റ്റ്‍ രണ്ട് ടേബിള്‍ സ്പൂണ്‍ ഒരു ലിറ്റര്‍ വെള്ളത്തില്‍) കറിവേപ്പിലയും പുതിന ഇലയും പത്ത് മിനിറ്റ് മുക്കി വെച്ച ശേഷം വെള്ളത്തില്‍ പല ആവര്‍ത്തി കഴുകുക, വെള്ളം വാര്‍ന്ന്‍ പോകാന്‍ സുഷിരങ്ങള്‍ ഉള്ള പാത്രത്തില്‍ ഒരു രാത്രി വെച്ച ശേഷം റ്റിഷ്യു പേപ്പറിലോ ഇഴയകന്ന കോട്ടണ്‍ തുണിയിലോ പൊതിഞ്ഞ് പ്ലാസ്റ്റിക് കണ്ടെയ്നറില്‍ അടച്ച് ഫ്രിഡ്ജില്‍ സൂക്ഷിക്കുക.

Add caption

പച്ചമുളക്, കാപ്സിക്കം, തക്കാളി - വിനാഗിരി ലായനിയിലോ(20 മില്ലി ഒരു ലിറ്റര്‍ വെള്ളത്തില്‍) വാളന്‍ പുളി ലായനിയിലോ (20 ഗ്രാം വാളന്‍ പുളി ഒരു ലിറ്റര്‍ വെള്ളത്തില് പിഴിഞ്ഞ് അരിച്ച ലായനി അല്ലെങ്കില്‍ പാക്കറ്റില്‍ കിട്ടുന്ന റ്റാമറിന്‍ഡ പേസ്റ്റ്‍ രണ്ട് ടേബിള്‍ സ്പൂണ്‍ ഒരു ലിറ്റര്‍ വെള്ളത്തില്‍) പത്ത് മിനിറ്റ് മുക്കി വെച്ച ശേഷം വെള്ളത്തില്‍ പല ആവര്‍ത്തി കഴുകുക, വെള്ളം വാര്‍ന്ന്‍ പോകാന്‍ സുഷിരങ്ങള്‍ ഉള്ള പാത്രത്തില്‍ ഒരു രാത്രി വെച്ച ശേഷം മുളക്, കാപ്സിക്കം എന്നിവയുടെ ഞെട്ട് അടത്തി മാട്ടിയിട്റ്റ് കൊട്ടണ്‍ തുണി ഉപയോഗിച്ച് വെള്ളം തുടചിട്ട് പ്ലാസ്റ്റിക് കണ്ടെയ്നറില്‍ അടച്ച് ഫ്രിഡ്ജില്‍ സൂക്ഷിക്കുക.

പയര്‍ - വളരെ മൃദുവായ സ്ക്രബ് പാഡ ഉപയോഗിച്ച് സൂക്ഷിച്ച് ഉരസി കഴുകുക. വിനാഗിരി ലായനിയിലോ(20 മില്ലി ഒരു ലിറ്റര്‍ വെള്ളത്തില്‍) വാളന്‍ പുളി ലായനിയിലോ (20 ഗ്രാം വാളന്‍ പുളി ഒരു ലിറ്റര്‍ വെള്ളത്തില് പിഴിഞ്ഞ് അരിച്ച ലായനി അല്ലെങ്കില്‍ പാക്കറ്റില്‍ കിട്ടുന്ന റ്റാമറിന്‍ഡ പേസ്റ്റ്‍ രണ്ട് ടേബിള്‍ സ്പൂണ്‍ ഒരു ലിറ്റര്‍ വെള്ളത്തില്‍) പത്ത് മിനിറ്റ് മുക്കി വെച്ച ശേഷം വെള്ളത്തില്‍ പല ആവര്‍ത്തി കഴുകുക, കൊട്ടണ്‍ തുണി ഉപയോഗിച്ച് വെള്ളം തുടചിട്ട് ഫ്രിഡ്ജില്‍ സൂക്ഷിക്കുക.

ചുവപ്പ് ചീര, പച്ച ചീര, സെലറി - തണ്ടിന്റെ ചുവടു ഭാഗം വേരോടെ മുറിച്ചു കളഞ്ഞ ശേഷം വിനാഗിരി ലായനിയിലോ(20 മില്ലി ഒരു ലിറ്റര്‍ വെള്ളത്തില്‍) വാളന്‍ പുളി ലായനിയിലോ (20 ഗ്രാം വാളന്‍ പുളി ഒരു ലിറ്റര്‍ വെള്ളത്തില് പിഴിഞ്ഞ് അരിച്ച ലായനി അല്ലെങ്കില്‍ പാക്കറ്റില്‍ കിട്ടുന്ന റ്റാമറിന്‍ഡ പേസ്റ്റ്‍ രണ്ട് ടേബിള്‍ സ്പൂണ്‍ ഒരു ലിറ്റര്‍ വെള്ളത്തില്‍) ചീരയും സെലരിയും പത്ത് മിനിറ്റ് മുക്കി വെച്ച ശേഷം വെള്ളത്തില്‍ പല ആവര്‍ത്തി കഴുകുക, കൊട്ടണ്‍ തുണി ഉപയോഗിച്ച് വെള്ളം തുടചിട്ട് ഫ്രിഡ്ജില്‍ സൂക്ഷിക്കുക.

വെണ്ടയ്ക്ക, വഴുതനങ്ങ, വെള്ളരി - തുണി കഴുകുന്ന ബ്രഷ് ഉപയോഗിച്ച മൃദുവായി ഉരസി വെള്ളത്തില്‍ പല ആവര്‍ത്തി കഴുകുക. വിനാഗിരി ലായനിയിലോ(20 മില്ലി ഒരു ലിറ്റര്‍ വെള്ളത്തില്‍) വാളന്‍ പുളി ലായനിയിലോ (20 ഗ്രാം വാളന്‍ പുളി ഒരു ലിറ്റര്‍ വെള്ളത്തില് പിഴിഞ്ഞ് അരിച്ച ലായനി അല്ലെങ്കില്‍ പാക്കറ്റില്‍ കിട്ടുന്ന റ്റാമറിന്‍ഡ പേസ്റ്റ്‍ രണ്ട് ടേബിള്‍ സ്പൂണ്‍ ഒരു ലിറ്റര്‍ വെള്ളത്തില്‍) വെണ്ടക്കയും, വഴുതനയും, വെള്ളരിയും പത്ത് മിനിറ്റ് മുക്കി വെച്ച ശേഷം കൊട്ടണ്‍ തുണി ഉപയോഗിച്ച് വെള്ളം തുടചിട്ട് ഫ്രിഡ്ജില്‍ സൂക്ഷിക്കുക.

ഇഞ്ചി - ഇഞ്ചി പല ആവര്‍ത്തി വെള്ളാത്തില്‍ കഴുകിയ ശേഷം വെള്ളം വാര്‍ന്ന്‍ പോകാന്‍ സുഷിരങ്ങള്‍ ഉള്ള പാത്രത്തില്‍ ഒരു രാത്രി വച്ച ശേഷം കോട്ടണ്‍ തുണി ഉപയോഗിച്ച് വെള്ളം തുടച്ചിട്ട് ഇഴയകന്ന കോട്ടണ്‍ തുണിയില്‍ പൊതിഞ്ഞ് ഫ്രിഡ്ജില്‍ സൂക്ഷിക്കുക. ഉപയോഗത്തിന് തൊട്ടു മുന്പ് തൊലി ചുരണ്ടിക്കളഞ്ഞു, ഒരിക്കല്‍ കൂടി കഴുകിയിട്ട് പാചകം ചെയ്യുക.